सारथी

वाटेच्या त्या पैलतीरी ,छायेच्या गर्तेत कधी,

दिसले का कुणा आसवांच्या रथाचे सारथी ?

चाचपला ढळणारा पदर त्या मळलेल्या हातांनी,

फितूर भवर-याच्या दरबारी दाद काही मिळालीच नाही !

कोणता रंग हा, पर्णाला परी भार सोसावला नाही,

प्राक्तन हे त्याचे का, ढवळले अंतरंग आसमंताचे ?

तरांगासम पळण्याचा बेत त्यांचा फसला,
त्या दोन आसवांच्या था-याने  आणिला पूर पापणीला !

चुकला वाटसरू वाटेच्या त्य वळणावरी,
आभासी पाखरे होती का पाउलखुणा झालेल्या फितुरी ?